پاک چین اقتصادی راہداری (سی پیک) نے ایک بار پھر تیزی حاصل کی ہے کیونکہ چین نے صرف 2020 میں پاکستان میں 11 بلین ڈالر سے زیادہ کی سرمایہ کاری کی ہے۔ یہ 2015 کے بعد ایک سال میں چینی سرمایہ کاری کی دوسری سب سے بڑی رقم ہے جس میں مجموعی طور پر 12 ارب ڈالر کی سرمایہ کاری ہوئی ہے۔
نسبتا کم چینی سرمایہ کاری کی وجہ سے سی پیک پر پیشرفت 2017 اور 2019 کے درمیان تعطل کا شکار ہوئی۔ تاہم ، گزشتہ سال نومبر میں لیفٹیننٹ جنرل (ر) عاصم سلیم باجوہ کو سی پیک اتھارٹی (سی پی ای سی اے) کے چیئرمین کی حیثیت سے تقرری کے بعد سے سی پیک کو ایک بار پھر سے تقویت ملی ہے۔
یہاں گذشتہ 5 سالوں میں کی گئی چینی سرمایہ کاری کا ایک جائزہ ہے
گذشتہ ماہ ، بھارت اورچین میں کشیدگی کے درمیان، پاکستان اور چین نے آزاد کشمیر میں 3.9 بلین ڈالر کے 2 ہائیڈرو پاور پلانٹ تعمیر کرنے کے معاہدے پر دستخط کیے تھے۔ اورنوآبادیاتی دور کے فرسودہ ریلوے انفراسٹرکچر کی بحالی کے لئے7۔2 بلین ڈالر کی ایک اور ڈیل پر بھی گذشتہ ماہ اتفاق رائے ہوا تھا۔
عالمی بینک کے ایک تخمینے کے مطابق، سال 2013 سے چین کے صدر ژی جن پنگ نے بیلٹ اینڈ روڈ انیشی ایٹو (بی آر آئی) کی ابتدا کے بعد سے توانائی پلانٹ ، ریلوے ، سڑکیں ، بندرگاہیں ، اور 575 بلین ڈالر کے دوسرے منصوبے پوری دنیا میں کام کر رہے ہیں۔
