پاکستان نے متعدد ممالک کو جوٹ کی مصنوعات کی برآمدات شروع کردی ہیں۔
وزیر اعظم کے مشیر برائے تجارت و سرمایہ کاری ، عبدالرزاق داؤد کی زیرصدارت ایک داخلی حکمت عملی کے اجلاس میں اس پر تبادلہ خیال کیا گیا۔ اس کے علاوہ پاکستان کی برآمدات کی جغرافیائی اور مصنوعات کی تنوع کو بڑھانے کے لئے تجارتی پالیسی اور وزارت کے دیگر منصوبوں پر عمل درآمد کا جائزہ لیا گیا ۔
یہ اجلاس آج وزارت تجارت میں ہوا اور اس میں وزارت کے اعلی افسران نے شرکت کی۔
مصنوعات کی تنوع کے بارے میں بات کرتے ہوئے ، داؤد نے کہا کہ پاکستان سے جوٹ کی برآمدات ایک متاثر کن کامیابی کی کہانی ہے کیونکہ ہم نے مصر، عراق، ملائیشیا، ترکی، اٹلی، آسٹریلیا اور نیوزی لینڈ کی منڈیوں تک رسائی حاصل کی ہے۔
عبدالرزاق داؤد نے اس بات پر زور دیا کہ وزارت تجارت کا پختہ یقین ہے کہ خام مال پر ڈیوٹی کم کرنے سے انسداد برآمدی تعصب کم ہوتا ہے اور برآمدات میں اضافہ ہوتا ہے۔ انہوں نے مزید کہا کہ پاکستان سے جوٹ مصنوعات کی برآمد ایک اچھی مثال ہے۔ خام جوٹ کی برامدات میں ہم اب بھی ہندوستان اور بنگلہ دیش کا مقابلہ کرسکتے ہیں، جو کہ وافر مقدار میں جوٹ پیدا کرتے ہیں۔
اجلاس میں بتایا گیا کہ مالی بجٹ 2019۔20 میں کچے جوٹ کی درآمد پر ڈیوٹی کو صفر پر لایا گیا تھا۔ مزید برآں ، بجٹ 2020-21 میں اضافی کسٹم ڈیوٹیوں کے خاتمے نے ہماری جوٹ کی صنعت کو مسابقتی لاگت میں ہم پلہ بنادیا ہے۔
اور اس کے نتیجے میں ، بین الاقوامی منڈیوں سے مزید آرڈرز موصول ہو رہے ہیں اور ہم جوٹ مینوفیکچرنگ انڈسٹری کی پیداوار میں غیرمعمولی اضافے کو دیکھ رہے ہیں۔ اس میٹنگ میں یہ بات بھی شیئر کی گئی کہ جوٹ کی مصنوعات کی برآمدات میں 148 فیصد کا اضافہ ہوا ہے ، جس سے 2018-2019 کے مقابلہ میں 2019-2020 میں دوگنا زرمبادلہ سے زیادہ کا اضافہ ہوا۔
اجلاس کے اختتام پر ، رزاق داؤد نے حکومت کی تجارتی پالیسی کی کامیابی کے لئے وزارت تجارت کے ساتھ ساتھ برآمد کنندگان کی کاوشوں کو بھی سراہا۔
